ცოტა რამ ჩვენზე

ბავშვი რომ ვიყავი, მიყვარდა ფირსაკრავზე ჩეხური ზღაპრების მოსმენა, ყოველი მათგანი სავსე იყო მაგიით და საინტერესო თავგადასავლებით. ჩემი კავშირი ჩეხეთთან აქედან იწყება.  ერთხელ მახსოვს თაროზე წიგნი ვიპოვე "ასტროლოგია და თქვენი ბავშვები", სადაც ჩემი ზოდიაქოს გასწვრივ ეწერა, რომ მშვილდოსნები ყველაზე აქტიური მოგზაურები არიან. გამიკვირდა, ასეთი უზუსტობა რატომ უწერიათ თქო, მაგრამ გავიზარდე და ყველაფერი ახდა!  როცა პირველად ავედი თვითმფრინავის ბორტზე და მიწას მოვწყდი, მივხვდი, რომ ეს ჩემი სტიქია იყო და ეს საქმე უნდა მეკეთებინა.  ფოტოს, რომელსაც მარცხნივ ხედავთ, სწორედ მაგ დღეს არის გადაღებული, ყველანაირი დამარცვლის გარეშე პრაღის სტარბაქსში ჩემი სახელი უშეცდომოდ რომ დაწერეს, პირველი გაოცება, პირველი ტკბობა ყავით და პრაღის ჯადოსნური არქიტექტურით.  ამიტომ გადავწყვიტე ამ განყოფილებაში ეს ფოტო დამეხვედრებინა თქვენთვის.  ეს იყო პირველი ვიზიტი ჩეხეთში.  მას შემდეგ ბევრჯერ ვესტუმრე პრაღას, საბოლოოდ 2022 წელს რამდენიმე მეგობართან ერთად დავაარსე ნიკე თრეველი.  ჩვენი ძირითადი მიმართულება კი კვლავ რჩება ზღაპრული პრაღა, რომელიც ბევრს შევაყვარეთ. თუ შენც შემოგვიერთდები და დაჯავშნი ტურს, გპირდებით დაუვიწყარ შთაპეჭდილებას და დადებით ემოციებით დაბრუნებას სამშობლოში.